Łukašenka sabraŭsia ŭ Pakistan
Alaksandr Łukašenka 25 listapada naviedaje Pakistan, paviedamlaje reformby.org sa spasyłkaj na pakistanskija ŚMI.
Alaksandr Łukašenka. Fota: AP Photo Peter Dejong
Meta vizitu — umacavańnie dvuchbakovych adnosin i pošuk novych napramkaŭ supracoŭnictva ŭ roznych halinach pamiž dźviuma krainami.
Padčas vizitu budzie padpisana Darožnaja karta handlu pamiž Pakistanam i Biełaruśsiu.
Padčas znachodžańnia ŭ Pakistanie Łukašenka płanuje sustrecca z prezidentam Asifam Ali Zardary, premjer-ministram Šebazam Šaryfam i vajennym kiraŭnictvam krainy.
Baki buduć abmiarkoŭvać pašyreńnie supracoŭnictva ŭ sučasnych sielskahaspadarčych technałohijach i abstalavańni, uzmacnieńnie handlovych suviaziaŭ, pavyšeńnie dvuchbakovaha handlu, a taksama pytańni biaśpieki i abarony. Pakistan vykazaŭ zacikaŭlenaść u supracoŭnictvie ŭ halinie vytvorčaści traktaroŭ, padkreślivajučy ekśpiertyzu Biełarusi ŭ sielskahaspadarčaj technicy.
Čakajecca padpisańnie niekalkich pahadnieńniaŭ pamiž dźviuma krainami.