Błohiera Śpiryna nie vyzvalili paśla skančeńnia čatyrochhadovaha terminu

Novy sud nad palitźniavolenym błohieram Paŭłam Śpirynym raspačniecca 20 listapada.

Palitźniavoleny błohier Pavieł Śpiryn

U Babrujsku 20 listapada raspačniecca sud nad palitźniavolenym Paŭłam Śpirynym, paviedamlajuć pravaabaroncy z «Viasny». Śpiryna ŭžo čatyry hady i dva miesiacy ŭtrymlivajuć u źniavoleńni.

Pa padlikach pravaabaroncaŭ, u śniežni 2024 hoda Pavieł pavinien vyjści na volu pa zakančeńni terminu. Ale pa inicyjatyvie administracyi babrujskaj kałoni № 2 suprać palitviaźnia zaviali kryminalnuju spravu pavodle č. 1 art. 411 Kryminalnaha kodeksa (złosnaje niepadparadkavańnie administracyi kałonii). Jamu majuć dadać jašče adzin hod źniavoleńnia.

Spravu budzie razhladać sudździa Dźmitryj Śvirydaŭ. Nie było jašče nivodnaha vypadku, kab sudździ apraŭdali palitviaźnia pa takoj spravie.

Viadoma, što viaźniam babrujskaj kałonii zabaroniena razmaŭlać z Paŭłam. Za kamunikacyju z palitviaźniem karajuć sutkami ŭ štrafnym izalatary.

Novy praces — heta znak, što łukašystam nie ŭdałosia złamać jaho ŭ niavoli i što jany jaho ličać asabliva niebiaśpiečnym dla siabie. U takoj situacyi apynuŭsia nie tolki Śpiryn. Terminy źniavoleńnia padaŭžajuć i mnohim inšym viadomym palitviaźniam. Siarod takich — suśvietna viadomyja Palina Šarenda-Panasiuk i Źmicier Daškievič.

Kamientary da artykuła