U Vatykana źjaviŭsia anime-maskot

Vatykan abraŭ animešnuju dziaŭčynku pa imieni Łuče (pa-italjansku «śviatło») u jakaści svajho simvała 2025 hoda. Aficyjna talisman pradstaviać na italjanskim Lucca Comics and Games, najbujniejšym fiestyvali komiksaŭ i videahulniaŭ u Jeŭropie.

Heta budzie pieršy raz, kali Vatykan voźmie ŭdzieł u padobnym mierapryjemstvie. Pa słovach arcybiskupa Ryna Fizikieły, jaki pradstaviŭ prajekt, Łuče stanie častkaj stratehii Vatykana pa ŭzajemadziejańni z «pop-kulturaj, jakuju tak lubić moładź».

Łuče apranutaja ŭ žoŭty daždžavik, što adsyłaje da ściaha Vatykana i šlach praz «žyćciovyja bury». Brudnyja čaraviki i kij pałomnika zaklikanyja pakazać doŭhi i ciažki šlach. Dyzajn Łuče i jaje siabroŭ raspracavaŭ mastak Simone Leńja.

Darečy, Łuče źjavicca nie tolki na ivencie Lucca Comics and Games. Razam z karcinaj Karavadža «Pachavańnie Chrysta» jana budzie pradstaŭlać paviljon Papskaha Pasadu na Suśvietnaj vystavie Expo 2025 u japoskaj Osacy.

Kamientary da artykuła