Kurejčyk piša scenar dla Biekmambietava
Biełaruski scenaryst Andrej Kurejčyk zaklučyŭ kantrakt na napisańnie scenaru sa studyjaj «Bazileŭs» Cimura Biekmambietava.
Biełaruski scenaryst Andrej Kurejčyk zaklučyŭ kantrakt na napisańnie scenaru sa studyjaj «Bazileŭs» Cimura Biekmambietava.
Andrej Kurejčyk.
Andrej Kurejčyk prymie ŭdzieł u prajekcie «Novy hod kročyć pa krainie» — hałoŭnaj rasijskaj navahodniaj premjery 2011 hoda. Pra heta haziecie «Iźviestija» raspavioŭ sam Cimur Biekmambietaŭ.
U filma niezvyčajny farmat. Jon budzie zdymacca niekalkimi režysiorami, ale stanie nie tradycyjnym užo almanacham, a adzinaj historyjaj z roznymi linijami, jakija pieraplatajucca. Najbližejšy anałah — brytanskaje «Realnaje kachańnie» Ryčarda Kiorcisa. Krynicaj natchnieńnia Biekmambietaŭ taksama nazyvaje film Džyma Džarmuša 1991 hoda «Noč na ziamli», jaki składajecca ź piaci historyj, raskazanych piaćciu taksistami ź piaci roznych haradoŭ. Ale heta ŭsio, chutčej, prykłady dla napisańnia scenaru. Vypadku, kab padobny film zdymali nie adzin i nie dva, a kala dziesiaci režysioraŭ, pakul nie było.
Dla ŭdziełu ŭ prajekcie zaprošany samyja lepšyja siły rasijskaha kiniematohrafa. Pa słovach pradstaŭnikoŭ studyi «Bazileŭs», viaducca pieramovy z Paŭłam Čuchrajem, Fiodaram Bandarčukom, Piotram Busłovym («Bumier»), Alaksiejem Sidaravym («Bryhada»), Aksanaj Byčkovaj («Picier FM»), Reza Hihinieišvili («Śpiakota»).
Miarkujecca, što ŭ zdymkach prymuć taksama ŭdzieł pradziusier prajekta Cimur Biekmambietaŭ i režysiory «Čornaj małanki» Alaksandr Vajcinski i Dźmitryj Kisialoŭ. Na «Bazileŭsie» patłumačyli, što zvodzić razam linii, źniatyja roznymi režysiorami, chutčej za ŭsio, budzie sam Biekmambietaŭ.
Jak raspavioŭ Fiodar Bandarčuk, jon daŭ papiaredniuju zhodu na ŭdzieł u prajekcie, pakolki jamu padabajecca kamanda, jakaja źbirajecca, — «kali, viadoma, chto-niebudź nie saskočyć». Pa słovach Fiodara, jon pračytaŭ sinopsis i abraŭ liniju, jakaja zdałasia jamu asabista najbolš paciešnaj.
«Dla mianie vielizarny honar pracavać u kamandzie «Bazileŭsa». Pa zadumie, heta toj samy prajekt, u jakim adnačasova źbirajecca režysiorskaja i scenarnaja elita Rasii, i ja vielmi rady, što mianie zaprasili ŭ jaho. Na siońnia studyja Biekmambietava — heta samaja «halivudskaja» studyja ŭ Rasii, a jon adziny režysior, jaki na roŭnych zdymaje ŭ Halivudzie. Uzrovień prafiesijanalizmu tut vielmi vysoki, — paviedamiŭ Andrej Kurejčyk. —
Mnie daručana napisać adrazu try historyi, i ŭ ich liku centralnuju, na jakuju buduć «nanizany» ŭsie astatnija historyi. Upeŭnieny, što heta budzie vielmi niezvyčajnaje, radasnaje, navahodniaje kino!»