Maršrutki ŭ Minsku padaražejuć na 20 pracentaŭ?
Minski krajaznaŭca Dzianis Blišč u svaim telehram-kanale adznačyŭ, što pačaŭ daražeć prajezd u staličnych maršrutkach.
Jon prykłaŭ fatahrafiju z maršrutki №1097 «Anharskaja — HC Ždanovičy». Vialikaja nalepka na paneli abviaščaje, što košt prajezdu składaje 2,5 rubla.
Pobač visić list pamieru A4 z abjavaj:
«Pavažanyja pasažyry! Košt prajezdu z 07 kastryčnika 2024 h. — 3 rubli».
Aŭtar adznačaje: «padobna, maršrutki Minska pačynajuć pierachodzić na taryf 3 rubli za pajezdku. Zvyčajna jany heta robiać nie adnačasova, ale ŭrešcie robiać usie».
Prajezd u dziaržaŭnym hramadskim transparcie Minska apošni raz daražeŭ 20 krasavika 2022 hoda: naziemny transpart — z 75 da 85 kapiejek (na 13,3%), a mietro — z 80 da 90 kapiejek (na 12,5%), adznačaje Blizko.by.