Łatvija raźmiaściła na ŭschodzie krainy bajavyja hrupy z rakietami supraćpavietranaj abarony
Taksama na miažy pastavili śpiecyjalnyja radary, pryznačanyja dla vyjaŭleńnia bieśpiłotnych aparataŭ.
Ilustracyjnaje fota
U Łathale razhornutyja mabilnyja bajavyja hrupy vajenna-pavietranych sił Łatvii, abstalavanyja rakietami supraćpavietranaj abarony (SPA), piša Delfi.lv.
Paśla taho jak 7 vieraśnia ŭ Rezeknienskim krai ŭpaŭ rasijski «šachied», Nacyjanalnyja ŭzbrojenyja siły ŭzmacnili supraćpavietranuju abaronu na ŭschodniaj miažy, nakiravaŭšy tudy dadatkovyja padraździaleńni.
U aŭtorak ministr abarony Andrys Spruds paviedamiŭ, što ŭ Łathale raźmieščanyja mabilnyja bajavyja hrupy vajskova-pavietranych sił, abstalavanyja rakietami SPA, a na miažy ŭstalavanyja śpiecyjalnyja radary, pryznačanyja dla vyjaŭleńnia bieśpiłotnych aparataŭ.
Apieracyi SPA zabiaśpiečvajuć i vajennyja prafiesijnyja słužby, i sałdaty słužby dziaržaŭnaj abarony, adznačyŭ Spruds.