Kiraŭnik CVK paabiacaŭ siurpryzy dla vybarščykaŭ na vybarach prezidenta
A naohuł kraina pierajšła ŭ aktyŭnuju fazu padrychtoŭki da elektaralnaj kampanii, zajavili ŭ vybarkamie.
Ilustracyjnaje fota
«My zaviaršajem raspracoŭku vizualnaj kancepcyi vybarčaj kampanii, jakuju taksama zaćvierdzim aficyjna», — skazaŭ Karpienka ŭ efiry telekanała STB.
Jon taksama adznačyŭ, što dla niekatorych vybarščykaŭ na ŭčastkach dla hałasavańnia budzie siurpryz.
«Mahu skazać i pra toje, što siurpryz budzie čakać i našych maładych vybarščykaŭ, jakija ŭpieršyniu buduć hałasavać», — dapoŭniŭ śpikier. Pry hetym nie ŭdakładniŭ, u čym mienavita jon budzie zaklučacca.
Vybary prezidenta ŭ 2025 hodzie pavinny prajści nie paźniej za 20 lipienia. «Biełpoł» sa spasyłkaj na svaje krynicy paviedamlaŭ, što vybary adbuducca ŭ apošniuju niadzielu zimy — 23 lutaha 2025 hoda.