Pačaŭsia sezon padpolnych kancertaŭ
«Zabaronienyja» rok-muzyki pačali sezon. Na minułym tydni ŭ mienskich klubach vystupili «Neŭra dziubel» i «Pałac». Na nastupnym — va ŭmovach poŭnaj kanśpiracyi syhraje «N.R.M.».
«Zabaronienyja» rok-muzyki pačali sezon. Na minułym tydni ŭ mienskich klubach vystupili «Neŭra dziubel» i «Pałac». Na nastupnym — va ŭmovach poŭnaj kanśpiracyi syhraje «N.R.M.».
Infarmacyja pra kancerty raspaŭsiudžvajecca vyklučna praź Internet i esemeski. Miesca vystupu nazyvajecca pry sustrečy, kali arhanizatar padpolnaj imprezy pieradaje kvitok hledaču. Adsutnaść afišaŭ z nazvaj klubu — umova, na jakoj kiraŭnictva adnaho ź ich pahadziłasia pravieści kancert. Tym nia mienš, u «biezymiennym» klubie sabrałasia pad 100 čałaviek. Zavadatary akcyi — Dexta i Dzik — zastalisia zadavolenyja. «Układzienyja hrošy akupilisia, navat u plusie zastalisia», — kaža Dexta, stvaralnik fen-sajtu «Neŭra dziubela».
Pierad vystupam jon abviaščaje ź nievialičkaj sceny: «Hetamu hurtu 17 hod. I nichto nia maje prava jaho zabaraniać. Jany — nazaŭždy!» Muzyki padłučajucca, prychilniki ščylnym kołam atačajuć Kulinkoviča i Paskudu. Jany śpiavajuć novuju pieśniu «Kraj», pieršy padmirhvaje prysutnym, druhi abdymajecca z fenami. Atmasfera poŭnaha jadnańnia muzykaŭ z zalaj.
«Pasłuchajcie, my napisali lepšuju svaju pieśniu», — kaža Kulinkovič pra «Kraj». Toje samaje kaliści jon kazaŭ pra «Skrypku dryhvy» i «Ja pamru tut». Lider «Dziubeloŭ» pryznajecca: «Ja nia zvyksia ź pierachodam da padpolnych kancertaŭ, kali hledačoŭ źbirajuć pa telefonie». Kulinkovič zaciahvaje «Humavy dom». U zali — anivodnaha čałavieka, jaki b nie padpiavaŭ jamu.
«Spadziajusia, što šruby advinciać paśla viadomych padziejaŭ, ź inšaha — navošta ich adkručvać, kali mašyna dobra pracuje», — razvažaje Alaksandar Kulinkovič paśla kancertu.
Zabaronienyja muzyki znajšli sposab, jak supraćstajać hetkaj navale. Jak u brežnieŭskija časy.