Ajcišnica z Hrodna viarnułasia dadomu z Polščy. Jaje zatrymali i buduć sudzić
Lizaviecie Makrydzinaj pahražaje da troch hadoŭ kałonii.
Lizavieta Makrydzina. Fota ź jaje staronki Ukantakcie
Lizaviecie Makrydzinaj 25 hadoŭ. Rodam jana z Hrodna, skončyła Hrodzienski dziaržaŭny ŭniviersitet pa śpiecyjalnaści «kampjutarnaja biaśpieka».
Užo paśla druhoha kursa jana pajšła pracavać prahramistkaj u kampaniju SENLA, ale paśla pieravučyłasia na biznes-analityka. Niadaŭna dziaŭčyna pierajechała ŭ Polšču, imavierna, paśla pačatku vajny.
Lizavietu zatrymali paśla taho, jak jana viarnułasia ŭ Biełaruś. U profili Linkedin jana apošni raz niešta łajkała try miesiacy tamu.
Sud pačynajecca 23 lipienia. Dziaŭčynu vinavaciać pa «narodnym» 342-m artykule KK za ŭdzieł u pratestach. Joj pahražaje da troch hadoŭ kałonii.
Sudzić Makrydzinu budzie Uładzimir Paźniak. Jon vynies bolš za 30 palityčna matyvavanych prysudaŭ za apošnija dva z pałovaj hady. Raniej, pa źviestkach kiraŭnika BYPOL Alaksandra Azarava, pracavaŭ u Śledčym kamitecie.
Čytajcie taksama:
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ