«Novym siurpryzam» ad Orbana, padobna, stanie Kitaj
Premjer Vienhryi Viktar Orban raniej anansavaŭ zamiežnuju pajezdku, ale nie nazyvaŭ łakacyju. Abiacaŭ tolki bolej «niečakanych sustreč».
Premjer-ministr Vienhryi Viktar Orban. Fota: AP
Žurnalisty vienhierskaha partała 444.hu adsačyli pa radarach šlach uradavaha samalota Dassault Falcon 7X. Jość vysokaja imaviernaść, što na im Viktar Orban lacić u Kitaj — hety bort jon zvyčajna vykarystoŭvaje dla zamiežnych vizitaŭ.
«Pavodle našaj infarmacyi, paśla pajezdak u Kijeŭ, Maskvu i Azierbajdžan Viktar Orban nakiroŭvajecca ŭ Kitaj», — piša vydańnie.
Bort pavinien pryziamlicca ranicaj paniadziełka pa miascovym časie.
Nahadajem, niadaŭna Orban lataŭ u Maskvu i sustrakaŭsia z Pucinym.