U Kursku baćka padpaliŭ svajho syna, kab pakarać jaho
Uviečary 5 lipienia 9-hadovy chłopčyk hulaŭ doma sa śviečkaj. Jon rabiŭ vopyty i vypadkova padpaliŭ śviečkaj raźlity śpirt. U hety momant pobač z chłopčykam znachodziłasia jaho adnahadovaja siastra Liza. Z-za raspačataha nievialikaha pažaru dziaŭčynka atrymała apioki, piša «Baza».
Siamja, u jakoj adbyłosia zdareńnie
Na kryki dziaciej prybiehli baćki. Jany chutka patušyli pažar. Adnak baćka chłopčyka, 38-hadovy Andrej, vyjšaŭ ź siabie praz svavolstva syna i vyrašyŭ jaho žorstka pakarać.
Kab chłopčyk dakładna zrazumieŭ, što adčuła jaho małodšaja siastra, mužčyna źniaŭ ź jaho štany, abliŭ jahadzicy śpirtam i padpaliŭ.
U vyniku abaim dzieciam spatrebiłasia dapamoha miedykaŭ. Ciapier jany znachodziacca ŭ dziciačaj abłasnoj balnicy, ich stan stabilny. Baćka zatrymany.
Čytajcie taksama:
Pjany kiroŭca ledź nie źnios słup u Minsku
Kiraŭnik rajona ŭ Kurskaj vobłaści narychtoŭvaŭ drovy na front — i jaho zabiła drevam