U Čašnickim rajonie na vuličnyja šyldy dadali biełaruskuju movu
Miascovyja ŭłady vykanali abiacańnie.
Fota: fotobel.by
Jak my pisali raniej, čynoŭniki Čašnickaha rajonu ŭ krasaviku 2024 hoda adkazali na zvarot aktyvistaŭ Ihara Słučaka i Aliny Nahornaj z prapanovaj dadać biełaruskuju movu na šyldy.
U liście za podpisam namieśnika staršyni Čašnickaha rajvykankama paviedamlałasia, što takaja rabota budzie praviedziena da 1 maja hetaha hoda.
Ciapier Ihar Słučak padzialiŭsia novym listom, u jakim čynoŭnik paviedamlaje, što «ruskamoŭnyja vuličnyja šyldy, pakazalniki adrasoŭ i napramkaŭ z dublavańniem na biełaruskaj movie zamienienyja».
Takim čynam, ciapier u horadzie šyldy na dźviuch movach.
Čytajcie taksama:
U Čašnikach čynoŭniki pahadzilisia dadać biełaruskuju movu na vuličnyja pakazalniki