Va Ukrainie zahinuŭ jašče adzin biełarus, što vajavaŭ za Rasiju
Jaho brat atrymaŭ 10 sutak za antyvajenny płakat.
Uradženiec vioski Rasasna Dubrovienskaha rajona Mikałaj Bibčykaŭ zahinuŭ vajujučy za Rasiju, piša Orsha.eu.
Pra toje, što mužčyna vajavaŭ na baku Rasii i zahinuŭ, raskazvajuć jaho ziemlaki. A ŭ sacyjalnych sietkach mužčyny jość fatahrafii sa zbrojaj i ŭ vajskovaj formie.
Nakolki viadoma, mužčyna zahinuŭ jašče ŭ pačatku vajny Rasii suprać Ukrainy. Ale stała viadoma tolki zaraz.
Mikałaj doŭhi čas pracavaŭ u Rasii na budaŭnictvach, i, vidavočna, tam zavierbavaŭsia na vajnu.
Aryhinalnaść situacyi jašče i ŭ tym, što jahony brat na pačatku vajny atrymaŭ 10 sutak aryštu za toje, što z antyvajennym płakatam vyjšaŭ da administracyjnaha budynka ŭ vioscy Babrova.