Jeŭrasajuz pakul nie pryniaŭ rašeńnia adnosna novych sankcyj suprać Biełarusi
U Jeŭrapiejskaj radzie praciahvajuć abmiarkoŭvać novy sankcyjny pakiet suprać Biełarusi, ale pakul što jaho pierśpiektyvy niezrazumiełyja, paviedamiŭ karespandent «Radyjo Svaboda» ŭ Brusieli Rykard Joźviak.
Fota ilustracyjnaje
«Varta adznačyć, što sankcyjam suprać Biełarusi dahetul nie dadzien zialonaje śviatło. Jany ŭsio jašče abmiarkoŭvajucca z metaj chutčejšaha dasiahnieńnia pahadnieńnia», — napisaŭ Joźviak u sacsietcy X.
Raniej u krain Jeŭracajuza ŭźnikali roznahałośsi datyčna novych sankcyj suprać Biełarusi i ŭnifikacyi ich z abmiežavańniami ŭ dačynieńni Rasii. Tak, Hiermanija vystupiła suprać zabarony na pastaŭki ŭ Biełaruś darahich aŭtamabilaŭ.
Miž tym adnosna novaha, užo 14-ha pakieta sankcyj Jeŭrasajuza pazicyi nibyta ŭdałosia ŭzhadnić, i da kanca miesiaca jon maje być zaćvierdžany.
Čytajcie taksama:
Ambasadary krain Jeŭrasajuza ŭzhadnili 14-y pakiet sankcyj suprać Rasii. Jany tyčacca nafty i hazu
Pad novyja sankcyi ZŠA trapili jašče niekalki biełaruskich pradpryjemstvaŭ i fizičnych asob
ES choča zabaranić ekspart u Biełaruś pradukcyi i technałohij padvojnaha pryznačeńnia
Jašče šeść biełaruskich kampanij trapili pad sankcyi ZŠA
Šrajbman prapanuje Zachadu pierahledzieć stratehiju adnosna Biełarusi