Žychary Łošycy skardziacca na smurod. Voś što adkazali ŭ administracyi rajona

Jašče ŭ sakaviku žychary Łošycy ŭ mesendžerach i sacsietkach pisali ab niepryjemnym pachu. Pa viersii rajonnych uładaŭ, adna ź vierahodnych pryčyn — pačatak sielhasrabot u Minskim rajonie i ŭniasieńnie arhaničnych uhnajeńniaŭ na palach za MKAD. Adnak skarhi praciahvajuć zjaŭlacca. Situacyju karespandentu «Minsk-Naviny» rastłumačyli ŭ administracyi Leninskaha rajona.

— Žyćcio ŭ staličnym rehijonie nakładvaje adbitak. Tut nie moža być pavietra, jak u sasnovym bary. Asabisty i pasažyrski transpart, rabota pradpryjemstvaŭ i arhanizacyj… Razam z tym u Minsku dziejničaje žorstkaja sistema kantrolu stanu pavietra, u tym liku čatyry pierasovačnyja pasty znachodziacca ŭ Leninskim rajonie. Jany biaruć proby pavietra i robiać zamiery prykładna pa 10 kryteryjach. Zhodna ź infarmacyjaj, jakuju mnie davodziać, mahu zapeŭnić: nivodnaha vypadku pieravyšeńnia pakazčykaŭ u biahučym hodzie nie ŭstanoŭlena, — adznačyŭ kiraŭnik administracyi Leninskaha rajona Raman Mielnik. 

Jon paćvierdziŭ, što ŭ pačatku viasny byŭ pieryjad (niekalki dzion), kali ŭ Łošycy adčuvaŭsia niepryjemny pach z-za sielhasrabot na palach, jakija prymykajuć da Minskaj kalcavoj aŭtadarohi. 

— Žychary viedajuć hetyja pieryjady, ale časam zjaŭlajucca zdahadki, jakija nie majuć ničoha ahulnaha z rečaisnaściu. U Leninskim rajonie i, u pryvatnaści, u Łošycy niama pradpryjemstvaŭ, jakija b mahli zabrudžvać pavietra, — skazaŭ Mielnik.

Kamientary da artykuła