Apazycyja idzie na vybary, jakich nia budzie
Palityčnaja rada abjadnanych demakratyčnych siłaŭ Biełarusi zaćvierdziła plan dziejnaści na hod padčas čarhovaha pasiedžańnia 22 žniŭnia. Pavodle słoŭ lidera apazycyi Alaksandra Milinkieviča, plan nia budzie abnarodavany, bo «praca ŭ apazycyi ŭsio bolš sychodzić u padpolle».
Palityčnaja rada abjadnanych demakratyčnych siłaŭ Biełarusi zaćvierdziła plan dziejnaści na hod padčas čarhovaha pasiedžańnia 22 žniŭnia. Pavodle słoŭ lidera apazycyi Alaksandra Milinkieviča, plan nia budzie abnarodavany, bo «praca ŭ apazycyi ŭsio bolš sychodzić u padpolle».
Siarod zaćvierdžanych kirunkaŭ dziejnaści Alaksandar Milinkievič nazvaŭ infarmacyjnuju kampaniju, kampanii pa mabilizacyi, salidarnaści i dapamozie represavanym, a taksama ŭdzieł nieŭzabavie ŭ miascovych vybarach.
«Vybaraŭ u Biełarusi znoŭku nia budzie», – zajaviŭ u interviju kampanii BiełaPAN Alaksandar Milinkievič i dadaŭ, što demsiły majuć namier skarystacca mahčymaściu praviadzieńnia vybarčaj kampanii dla lehalnaj ahitacyi i papularyzacyi ŭ hramadztvie idej demakratyčnaha ruchu. Lider apazycyi ŭpeŭnieny ŭ plonnym vyniku pasiedžańnia palitrady abjadnanych demsiłaŭ. «My ruchajemsia napierad», – padkreśliŭ Alaksandar Milinkievič.
U časie pasiedžańnia palitrady abjadnanych demsiłaŭ 22 žniŭnia pytańnie pra metazhodnaść praviadzieńnia druhoha kanhresu demakratyčnych siłaŭ, jak paviedamiŭ Alaksandar Milinkievič, nie abmiarkoŭvałasia. Razhlad hetaha pytańnia pieraniesieny na 30 žniŭnia, kali projdzie nastupnaje pasiedžańnie palitrady.
Pavodle Telegraf.by