Łukašenka padaryŭ horadu ŭ Azierbajdžanie traktary
U chodzie vizitu ŭ Azierbajdžan Łukašenka naviedaŭ Nahorny Karabach i padaryŭ horadu Šuša traktary vytvorčaści MTZ, paviedamlaje BiełTA.
Fota: «Puł Piervoho»
«Karystajsia. Spadabajecca — dadamo jašče», — skazaŭ Łukašenka prezidentu Azierbajdžana Ilchamu Alijevu.
Na zdymkach, jakija raspaŭsiudžvaje «Puł Piervoho», bačnyja dva traktary roznych madelaŭ. Na voknach traktaroŭ jość nadpisy, što heta padarunak ad Łukašenki. Kolki ŭsiaho adzinak techniki padaryŭ palityk Azierbajdžanu, nie paviedamlajecca.
Horad Šuša da 2020 hoda kantralavaŭsia niepryznanaj Nahorna-Karabachskaj Respublikaj. Bai za horad stali klučavym momantam Druhoj Karabachskaj vajny.
Čytajcie taksama:
Biełaruskija dziaržaŭnyja ŚMI nie nazyvajuć Karabach Karabacham