U vyniku padzieńnia aŭtobusa ŭ raku ŭ Pieciarburhu zahinuli siem čałaviek
Jašče niekalki paciarpiełych špitalizavanyja.
Fota: fontanka.ru
Pavodle źviestak Śledčaha kamiteta, u vyniku avaryi zahinuli siem čałaviek, dzieviać byli vyratavanyja. TASS paviedamlaje pra šeść špitalizavanych.
Trahiedyja zdaryłasia a 13-j hadzinie ŭ piatnicu. Aŭtobus, robiačy pravy pavarot ź Vialikaj marskoj vulicy na most praz raku Mojku, vyjechaŭ na sustrečnuju pałasu, prataraniŭ lehkavyja aŭtamabili, prabiŭ aharodžu i ŭpaŭ u raku, całkam pajšoŭšy pad vadu.
Vyratavalnaja apieracyja doŭžyłasia paŭtary hadziny, u joj udzielničali 69 čałaviek i niekalki adzinak techniki.
Kiroŭcu zatrymali. Paviedamlałasia, što jon pierad hetym pracavaŭ 20 hadzin, a potym jaho znoŭ vyklikali na pracu.
Čytajcie taksama:
U Pieciarburhu aŭtobus z 20 pasažyrami zvaliŭsia ŭ vadu. Jość zahinułyja
Źjaviłasia VIDEA padzieńnia aŭtobusa ź ludźmi ŭ raku ŭ Sankt-Pieciarburhu
Stała viadoma asoba kiroŭcy aŭtobusa, što zvaliŭsia ŭ raku ŭ Pieciarburhu, i marka mašyny