Nieŭzabavie mohuć surjozna padaražeć kitajskija tavary. Z čym heta źviazana?

Ekśpiedycyjnyja kampanii paviedamili, što 6 maja ŭ Kitai rezka vyraśli ceny na adpraŭku kantejnieraŭ u Rasiju i Biełaruś pa čyhuncy. Cana pieravozki ŭ siarednim pavialičyłasia na $500-800 za kantejnier. U vyniku hetaha pradukcyja z Kitaja, tavaraabarot ź jakim u Biełarusi pastajanna raście, moža surjozna padaražeć, piša Tochka.by.

Zdymak ilustracyjny. Fota: Uzair Irfan / vecteezy.com

«Rost cen źviazany z pamianšeńniem kolkaści volnych kantejnieraŭ u Kitai, a taksama ź vialikimi zatorami, jakija ŭźnikli na miežach z Kitajem», — skazana ŭ paviedamleńni.

Jašče adnoj pryčynaj rezkaha padaražeńnia dastaŭki hruzaŭ pa čyhuncy praz Kazachstan i Rasiju ŭ Biełaruś mahło stać toje, što staŭki marskoha frachtu z Kitaja ŭ Jeŭropu taksama padaraželi. Tut, jak i ŭ vypadku z čyhunačnym spałučeńniem, pamier «nadbaŭki» zaležyć ad miesca adpraŭleńnia hruzu.

U traŭni, u paraŭnańni z krasavikom, cana dastaŭki kantejniera marskim šlacham pavialičyłasia na $800-1500 (u zaležnaści ad porta adpraŭleńnia).

«Pry hetym bolšaść volnych miescaŭ na sudnach u traŭni ŭžo zareziervavanaja, i marskija linii prapanujuć volnyja miescy na sudnach tolki na kaniec traŭnia — pačatak červienia», — adznačajecca ŭ infarmacyi, pradstaŭlenaj ekśpiedycyjnymi kampanijami.

Vierahodniej za ŭsio, košt tavaraŭ z Kitaja dla biełarusaŭ vyraście na fonie hetych navin, adnak dakładna skazać pra takoje pakul składana.

Kamientary da artykuła