Unačy bieśpiłotniki atakavali dźvie vobłaści ŭ Rasii. Na Razanskim NPZ uźnik pažar
Pa słovach vidavočcaŭ, ataka na naftapierapracoŭčyja zavody adbyłasia kala treciaj hadzin ranicy. Spačatku byŭ čutny huł, a potym prahrymieli dva vybuchi.
U noč na sieradu bieśpiłotniki atakavali Razanskuju i Varoniežskuju vobłaści Rasii. Na Razanskim naftapierapracoŭčym zavodzie ŭźnik pažar, piša «Ukrainskaja praŭda».
Pa słovach vidavočcaŭ, ataka na NPZ adbyłasia kala troch hadzin ranicy. Spačatku byŭ čutny huł, a potym prahrymieli dva vybuchi.
Zaraz na zavodzie pracujuć apieratyŭnyja słužby.
Adzin bieśpiłotnik nibyta źbili. Kolkaść BPŁA, jakija dalacieli da Razanskaha NPZ, hubiernatar nie ahučyŭ.
Kiraŭnik Varoniežskaj vobłaści Alaksandr Husieŭ napisaŭ u svaim telehram-kanale, što ŭ noč na sieradu nad terytoryjaj Varoniežskaj vobłaści było źbita dva bieśpiłotniki.
Pavodle jaho słoŭ, adzin ź ich byŭ źbity ŭ pryharadzie Varonieža, a jašče adzin — u Varoniežskaj vobłaści.
Razanski naftapierapracoŭčy zavod znachodzicca pad kantrolem «Rasnafty». Bolšaść praduktaŭ naftapierapracoŭki ekspartujecca.
Čytajcie taksama:
Paśla padzieńnia BPŁA adbyŭsia vybuch cysterny ź bienzinam na naftabazie ŭ Kałužskaj vobłaści
U Krasnadarskim krai ŭ vyniku ataki bieśpiłotnikaŭ zahareŭsia NPZ