Za pratesty zatrymali žycharku Bresta, jakaja ŭžo adbyła pakarańnie za ŭdzieł u pratestach
Jaje zatrymali za ŭdzieł u inšym maršy, za jaki jaje raniej nie sudzili.
Valancina Žukoŭskaja, fota ź jaje staronki Ukantakcie
Zatrymanaja — Valancina Žukoŭskaja. Joj 38 hadoŭ, i jana žycharka Bresta.
Jaje sudzili pa «spravie karahodaŭ» 7 maja 2021-ha. Heta adna z najbujniejšych hrupavych spravaŭ u Biełarusi, pa jakoj asudzili bolš za 100 čałaviek. 13 vieraśnia žychary Bresta vyjšli na skryžavańnie praśpiekta Mašerava i bulvaraŭ Kasmanaŭtaŭ i Šaŭčenki. Valancinie tady prysudzili paŭtara hoda «chatniaj chimii».
Siońnia kanał bresckaha HUBAZiKa apublikavaŭ novaje videa z Valancinaj. U im jana kaža, što jaje zatrymali za ŭdzieł u pratestach u žniŭni 2020-ha. Ciapier žančynie moža pahražać novaja kryminalnaja sprava i sud.