Vizor Games, što stvaryła kankurenta EA Sports FC, bolš niama ŭ Biełarusi. Kampanija pracuje pad inšym brendam
Vizor Games — adzin z papularnych pablišaraŭ ź biełaruskimi karaniami. Raniej u kampaniju inviestavaŭ adzin z najbujniejšych suśvietnych mabilnych raspracoŭščykaŭ Playrix.
Viadomy mabilny raspracoŭščyk Vizor Games źmianiŭ imia kampanii ŭ Biełarusi. Ciapier jana nazyvajecca «Hiejmtek». Takaja infarmacyja źjaviłasia na sajcie Adzinaha dziaržrehistratara, piša Devby.io.
Pavodle źviestak dziaržrehistracyi, pad novym brendam hiejmdeŭ-kampanija pracuje ŭ Biełarusi z krasavika.
Jakija byli matyvy dla pierajmienavańnia, top-mieniedžmient kamandzie ŭ Minsku nie patłumačyŭ.
«Nas apaviaścili, kab my karektna pakazvali novuju nazvu kampanii pry afarmleńni balničnych, kredytaŭ i t.d. taksama zapeŭnili, što źmiena nazvy na pracy samoj kampanii nijak nie adabjecca i ni na što nie paŭpłyvaje», — paviedamiŭ supracoŭnik.
Paśla rebrendynhu ŭ «HiejmTek» (Vizor Games) zastaŭsia raniejšy ŭłaśnik. 100% doli «Hiejmtek» naležyć kiprskaj «Aśmina Chołdynhs Limited», zasnavanaj vosieńniu 2020 hoda. Pamier statutnaha fondu — bolš za 5,6 miljonaŭ rubloŭ (1,7 + miljona dalaraŭ). U studzieni 2023 hoda ŭrad Biełarusi ŭklučyŭ kampaniju ŭ śpis akcyjanieraŭ z «niedružalubnych krain», jakim było zabaroniena adčužać doli (akcyi) u biełaruskich jurasobach biez dazvołu Minfina.
Vizor Games — adzin z papularnych pablišaraŭ ź biełaruskimi karaniami. Raniej u kampaniju inviestavaŭ adzin z najbujniejšych suśvietnych mabilnych raspracoŭščykaŭ Playrix.
Vizor Games sumiesna sa studyjaj Strikerz stvaryła biaspłatny futbolny simulatar UFL, jaki nazyvajuć kankurentam viadomaha futbolnaha simulatara EA Sports FC. U śniežni minułaha hoda raspracoŭščyki UFL pryciahnuli inviestraŭnd na 40 miljonaŭ dalaraŭ.
U liku inviestaraŭ apynuŭsia viadomy partuhalski futbalist Kryšcijanu Ranałdu.
U Vizor bolš za 600 supracoŭnikaŭ (zychodziačy ź infarmacyi na aficyjnym sajcie). Pa słovach krynicy ŭ kampanii, prykładna pałova ahulnaha štata pracuje ŭ Biełarusi. U linkiedzinie znajšli profili bolš za 300 čałaviek, jakija pakazali Vizor Games u jakaści aktualnaha miesca pracy i Biełaruś u jakaści aktualnaj łakacyi.
Miarkujučy pa aktyŭnym najmie, kampanija nie płanuje zhortvacca na biełaruskim rynku. Za apošni miesiac na sajcie rabota.by źjaviłasia bolš za 20 novych vakansij. Kampanija šukaje raspracoŭščykaŭ, mastakoŭ, dyzajnieraŭ, inžynieraŭ z vopytam pracy ad 1 da 3 abo ad 3 da 6 hadoŭ u zaležnaści ad vakansii.
Za apošnija dva hady heta nie pieršy vypadak rebrendynhu viadomych technałahičnych kampanij ź biełaruskimi karaniami.
Takim sposabam niekatoryja kampanii addali pieravahu padzialić biznes (na Zachodni i rasijski+SND) abo schavać svaju suviaź ź Biełaruśsiu.