Paŭtary tysiačy kurcoŭ marychuany adśviatkavali lehalizacyju kanabisu kala Brandenburhskaj bramy ŭ Bierlinie
Akcyju achoŭvali palicejskija, jakija pierakryli dla ruchu aŭtamabilaŭ niekalki vulic.
Fota: AP Photo/Ebrahim Noroozi
Udzielniki akcyi ŭ centry stalicy Niamieččyny ŭ noč ź niadzieli na paniadziełak kuryli marychuanu i tančyli pad rehi. Scenu, jakuju jany ŭstanavili, upryhožvaŭ mietrovy list kanoplaŭ, piša Bild.
Adzin ź viadomych niamieckich jutub-błohieraŭ Klimpel prosta na akcyi prapanoŭvaŭ prysutnym vyznačyć źmieściva THK u marychuanie z dapamohaj śpiecyjalnaj pryłady.
Akcyju achoŭvali palicyjanty, jakija pierakryli dla ruchu aŭtamabilaŭ niekalki najbližejšych vulic. Prysutnyja razyšlisia sami praź niekalki hadzin.
Siońnia ŭ Niamieččynie ŭstupaje ŭ siłu zakon ab lehalizacyi kanabisu dla paŭnaletnich hramadzian. Takim čynam kanabis vyklučać sa śpisu zabaronienych rečyvaŭ u Zakonie ab narkotykach.
Čytajcie taksama:
Jak pieravozić u Biełaruś leki, kab nie atrymać za heta kryminałku
U Hruzii zatrymali 10 čałaviek za raspaŭsiud narkotykaŭ. Siarod ich — hramadzianie Biełarusi