U Lidzie šmatdzietnaha baćku zatrymali za «raspaŭsiud ekstremizmu»
Hubazikaŭcy taksama vinavaciać jaho va ŭdziele ŭ pratestach
Siarhiej Kopać. Fota ź jahonaj staronki ŭ «Adnakłaśnikach»
Zatrymany — 47-hadovy Siarhiej Kopać. Jon zajmajecca vytvorčaściu z dreva, u asnoŭnym mebli i inšych rečaŭ dla doma (naprykład, leśvicaŭ i altanak). Miarkujučy pa sacsietkach, u jaho jość žonka i nie mienš za troje dziaciej.
U videa, jakoje vykłali siłaviki, jaho zatrymlivajuć natoŭpam. Jon kaža, što «raspaŭsiudziŭ ekstremisckija materyjały i vyjavu svastyki ŭ sacsietkach». Taksama hubazikaŭcy pišuć, byccam Siarhiej udzielničaŭ u pratestach u Lidzie ŭ 2020-m, ale nijakich paćvierdžańniaŭ hetamu nie pryvodziać — mužčyna nie kaža hetaha ŭ videa, nie demanstrujucca i fota z pratestaŭ.
Hubazikaŭcy śćviardžajuć, što mužčynu čakaje źniavoleńnie, ale idzie hutarka pra administracyjnuju abo pra kryminalnuju spravu — nieviadoma.
Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Žychara Lidy aryštavali za «Žyvie Biełaruś» u tvitary
Jak vydalić akaŭnt u Telegram i stvaryć jaho nanova na virtualny numar — pakrokavy hajd