Žurnalistka łukašenkaŭskaha puła: Siabry i moj małady čałaviek daviali mianie da niervovaha zryvu ŭ 2020-m
Karespandentka BT Vieranika Buta, jakaja pracuje ŭ łukašenkaŭskim pule, raskazała, jak u 2020-m z-za ckavańnia trapiła ŭ balnicu.
Supracoŭnica BT Vieranika Buta. Skryn videa «Biełaruś 1»
Pra svoj niervovy zryŭ na chvali tych padziej jana raskazała ŭ pieradačy «Skažiniemołči» na BT.
«I, na žal, u hetu balnicu mianie pryviali maje «siabry». Heta byli maje znajomyja, siabry, adnahrupniki, byłyja kalehi. Tyja ludzi, jakim ja daviarała. U tym liku heta byŭ i na toj momant moj małady čałaviek.
Byli maje blizkija siabry i tyja ludzi, jakija raniej prychodzili ŭ moj dom, da maich baćkoŭ. Heta, napeŭna, bolš za ŭsio mianie padkasiła».
Paviedamleńniaŭ ad nieznajomcaŭ Vieranika mała atrymlivała.
«Było litaralna niekalki paviedamleńniaŭ u sacyjalnych sietkach z prapanovaj zapisać videazvarot, što ja adrakajusia ad žurnalistyki biełaruskaj, jany mnie adkryvajuć vizu, ja źjazdžaju ŭ Amieryku i vypłačvajuć tam niejkuju dapamohu. I jany pačynali heta paviedamleńnie (a ja lažała ŭ balnicy): «My razumiejem, jak vam ciažka, my razumiejem, što ciapier adčuvajecie, jakija ŭ vas ŭnutranyja pakuty».
Žurnalistka puła kaža, što nie złamałasia tolki tamu, što pobač była siamja. Choć joj, pavodle jaje słoŭ, nibyta pahražali, što raspraviacca ź joj i baćkami.
Bolšaść tych, chto joj pisaŭ u 2020-m, Vieranika zabłakavała. Kaža, što nie moža daravać. Chacia ŭ jaje zastalisia siabry ź inšymi palityčnymi pohladami, jakija naviedvali jaje ŭ balnicy.
Maładomu čałavieku jana taksama nie daravała.
«Mahu skazać jamu vializny dziakuj. Dziakujučy jamu ja zrazumieła, jaki mužčyna pavinien być sa mnoj pobač. I ahułam pierahledzieła svaje pohlady na siamju, na adnosiny», — kaža supracoŭnika puła.
Čytajcie taksama:
Stała viadoma, kolki zarablajuć Iryna Akułovič i inšyja kiraŭniki BiełTA
Fizruk, «zmahar» z 23.34, sudzimy za kradziež: dzie pracujuć i jak vyhladajuć mužy top-čynoŭnic?
«Heta ž prosta jeraś!» Prapahandysty sabralisia na STV abhavaryć fejki, i pakaciłasia