Izrail pabuduje ścianu na miažu ź Jehiptam
Ułady Izraila majuć namier pabudavać zaharadžalny barjer uzdoŭž miažy ź Jehiptam, kab pieraškodzić praniknieńniu ŭ krainu nielehalnych imihrantaŭ i bajevikoŭ.
Usiaho, zhodna z płanam, buduć pabudavanyja dva ŭčastki: la horada Ejłat, a taksama na miažy pamiž Jehiptam i siektaram Haza.
Ahulnaja praciahłaść zaharadžeńniaŭ składzie 266 km. Mierkavany košt prajekta — 270 młn dalaraŭ, a zaviaršyć budaŭnictva izrailskija ŭłady źbirajucca za dva hady.
Pavodle słovaŭ premjer‑ministra Bieńjamina Nietańjachu, uzmacnieńnie kantrolu na jehipiecka‑izrailskaj miažy nie zakranie ŭciekačoŭ, jakija dziejničajuć lehalna — jany pa‑raniejšamu zmohuć chadajničać ab ŭjeździe ŭ krainu.
Jehipiet nie suprać uźviadzieńnia ściany, a sam Kair uzvodzić padziemnyja barjery, kab pieraškodzić kantrabandzie zbroi praz tajemna prarytyja paleścincami tuneli.