U miehapapularnym restaranie skandał: na videa trapili vytančanyja ździeki z pamočnika kuchara
31-hadovy Areljen Łaržo kiravaŭ restaranam prestyžnaha Hotel du Palais na francuzskim kurorcie Bijaryc z sakavika 2020 hoda i paśpieŭ zarabić dla jaho zorku Michelin. Pakul nie zdaryŭsia haniebny epizod.
Areljen Łaržo byŭ zorkaj kucharskaj spravy. Fota: Emilie Drouinaud / Sud Ouest
Viadomy kuchar zvolniŭsia paśla skandalnaha abradu inicyjacyi.
Jak paviedamiła francuzskaja hazieta Sud Ouest, pamočnik kuchara ŭ restaranie prestyžnaha Hotel du Palais na francuzskim kurorcie Bijaryc niekalki hadzin prasiadzieŭ pryviazany da kresła ź jabłykam u rocie i morkvaj u zadnim prachodzie.
Za ŭsim hetym nazirali inšyja pracaŭniki kuchni, uklučajučy samoha Areljena Łaržo. Videa vykłali ŭ internet (ale potym prybrali). Miarkujecca, što heta byŭ svojeasablivy praces inicyjacyi novaha pracaŭnika.
U Francyi lubyja abrady inicyjacyi zabaronienyja, ale takaja praktyka maje miesca ŭ niekatorych restaranach. Časam ich apraŭdvajuć: maŭlaŭ, heta pravierki stresaŭstojlivaści maładoha piersanału.
Hyatt, uładalnik Hotel du Palais, asudziŭ incydent, zajaviŭšy, što jon supiarečyć ich pryncypam. Kampanija ŭžo raspačała rasśledavańnie zdareńnia.
Hotel du Palais — viadomy piacizorkavy hatel na bierazie mora ŭ Bijarycy.
U meryi Bijaryca ad kamientaroŭ pakul ustrymalisia.
Čytajcie taksama:
Łajfchak ad Ceślera, jak vybrać dobry restaran
Samyja ahidnyja stravy ŭ śviecie: što trapiła ŭ rejtynh i ci jość tam biełaruskaje