Abvieščany dadatkovy zbor zajavak na Premiju Ciotki za 2022 hod
Arhanizatary Premii Ciotki za najlepšuju knihu dla dziaciej i padletkaŭ abviaščajuć dadatkovy adkryty zbor. Na konkurs prymajucca knihi, vydadzienyja ŭ 2022 hodzie.
U suviazi z raskidanaściu biełaruskich vydaviectvaŭ i knižnych inicyjatyŭ pa śviecie było vyrašana dać dadatkovuju mahčymaść padacca na konkurs tym, kaho arhanizatary mahli nieznarok prapuścić, źbirajučy poŭnyja śpisy naminantaŭ uvosień.
Premija Ciotki tradycyjna prysudžajecca ŭ dźviuch naminacyjach:
— najlepšaja kniha dla dziaciej i padletkaŭ (aryhinalnyja aŭtarskija tvory, napisanyja na biełaruskaj movie)
— najlepšaje mastackaje afarmleńnie (da ŭdziełu prymajucca aryhinalnyja i pierakładnyja knihi na biełaruskaj movie)
Zajaŭki prymajucca da 27 śniežnia 2023 hoda pa spasyłcy.