Pačaŭ vychodzić novy padkast pra sučasnaje biełaruskaje mastactva
Prajekt Open Muzej (OM) zapuskaje adnajmienny padkast pra sučasnaje biełaruskaje mastactva i zaprašaje słuchačoŭ i słuchačak u padarožža-daśledavańnie z metaj stvareńnia hramadskaha muzieja sučasnaha biełaruskaha mastactva.
U pieršym epizodzie pracoŭnaja hrupa Open Muzej raskryvaje klučavyja aśpiekty svajoj inicyjatyvy. Suzasnavalnicy Ambasada Kultury Valancina Kisialova i Hanna Čystasierdava, mastactvaznaŭca i kuratarka Iryna Kon, suzasnavalnik i hałoŭny redaktar partała Kalektar, mastak Siarhiej Šabochin padrabiazna raspaviadajuć pra kancepcyju adkrytaha hramadskaha muzieja, zakranajučy temy supolnaści i saŭdziełu, zachavańnia i dostupu da kulturnaj spadčyny va ŭmovach emihracyi.
U nastupnych vypuskach padkasta jaho viadučy, kulturny aktyvist Bahdan Chmialnicki, razam z haściami abmiarkuje rolu muziejaŭ u kantekście aktualnych tem, takich jak mihracyja i dom, supolnaść i salidarnaść, vajna i dekałanizacyja.
Ad historyi da sučasnaści, ad łakalnaha da hłabalnaha — kamanda prajekta abiacaje aśviatlać padziei i tendencyi, jakija farmirujuć unikalny kantekst biełaruskaj kultury tut i ciapier.
Pieršy vypusk dastupny na płatformach Spotify, Yandex Music, Apple Podcasts, Google Podcasts i Castbox. Novyja epizody padkasta buduć vychodzić kožnyja dva tydni.
Tezisy i karysnyja spasyłki na dadatkovyja materyjały da pieršaha vypusku buduć apublikavanyja ŭ Instagram prajekta.
Movy padkasta: biełaruskaja i ruskaja
Čytajcie taksama:
U Babrujsku znosiać budynak sa znakamitaj mazaikaj. Pietycyja nie dapamahła
Na rasijskim aŭkcyjonie vystavili karcinu pendźla Ivana Chruckaha