U «śpis terarystaŭ» unieśli čatyroch hramadzian Haici i adnaho biełarusa
Kamitet dziaržaŭnaj biaśpieki abnaviŭ śpis «asob, jakija majuć dačynieńnie da terarystyčnaj dziejnaści» — tam źjavilisia proźviščy jašče piaci čałaviek.
Siarod ich čatyry hramadzianina Haici, a taksama 31-hadovy biełarus Michaił Baboška. Paviedamlajecca, što ŭ dačynieńni da jaho ŭstupiŭ u siłu prysud pavodle art. 130 KK (raspalvańnie varožaści), jon asudžany na siem hadoŭ kałonii ŭzmocnienaha režymu.
Ciapier u «terarystyčnym śpisie», jaki robicca supolna ź Interpałam, 1150 čałaviek, ź ich 391 — biełarusy (u śpisie KDB 1159 pazicyi, adnak 9 čałaviek ź jaho byli vydalenyja raniej), piša «Viasna».