Biespracoŭnaha žychara Aršanščyny asudzili za «ekstremisckija» padpiski
Jahor Macijenka, zarehistravany ŭ sadavodčym tavarystvie «Aŭtamabilist» Aršanskaha rajona, byŭ asudžany 2 listapada. Sudździa suda horada Oršy i Aršanskaha rajona Julija Viaršynina pryznała jaho vinavatym pavodle č.2 art.19.11 KaAP RB (Raspaŭsiud, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści abo prapahanduje takuju dziejnaść). Sud vyrašyŭ kanfiskavać u žychara Aršanščyny i mabilny telefon — jak srodak ździajśnieńnia administracyjnaha pravaparušeńnia, paviedamlaje «Viciebskaja viasna».
Na sudovym pasiadžeńni razhladalisia dva pratakoły, składzienyja na Jahora Macijenku. Pavodle pieršaha, mužčyna byŭ padpisany ŭ instahramie na staronku, pryznanuju «ekstremisckimi» materyjałami, a taksama vioŭ pierapisku z administrataram hetaj staronki. Pavodle druhoha, Macijenka byŭ padpisany na hrupu ŭ telehramie, taksama pryznanuju «ekstremisckaj» infarmacyjnaj pradukcyjaj.
U sudzie jon pryznaŭ hetyja fakty, patłumačyŭšy, što nie viedaŭ, što hetyja internet-resursy ŭklučanyja ŭ adpaviedny pieralik MUS. Sudździa nie pryniała da ŭvahi arhumientacyju padsudnaha i vyrašyła, što biespracoŭny Jahor Maćvijenka, jaki maje bazavuju adukacyju, mieŭ na mecie raspaŭsiudžvać «ekstremisckija» materyjały, dziela čaho ich i zachoŭvaŭ.
Čytajcie taksama:
Zatrymany žychar Sierabranki Pavieł Kaleśnik
Vyjšaŭ na volu palitźniavoleny Dźmitryj Kanieŭski
Syna palitźniavolenaj Taćciany Kanieŭskaj adpravili na sutki za «ekstremisckija materyjały»