Na evakuacyjnym rejsie z Hazy ŭ Biełaruś prylacieŭ nie 41 uciakač, jak zajaŭlałasia, a 25 — Motolkohelp
Astatnija — prapahandysty, psichołahi, miedyki i navat čałaviek u bałakłavie.
Fota: ANT
Pazaŭčora MZS paviedamiła, što hrupa z 43 hramadzian Biełarusi i ich siamiejnikaŭ pakinuła siektar Haza praz KPP «Rafach» i patrapiła na terytoryju Jehipta.
Jak paviedamlaje Motolkohelp, na borcie prylacieli 44 čałavieki (jaho źmiaščalnaść — 189 čałaviek). Adnak realna ŭ samalocie prylacieła kala 25 biežancaŭ, a ŭsie astatnija — heta prapahandysty, nieviadomy mužčyna ŭ bałakłavie, miedyki i psichołahi z atrada MNS «ZUBR». BiełTA ŭčora viečaram paviedamiła pra prylot 41 čałavieka.
Atrymlivajecca, kala 18 čałaviek, jakija vybralisia z Hazy ŭ Jehipiet, nie zachacieli viartacca ŭ Biełaruś. I jašče, piša Motolkohelp, kab źniać vychad z samalota, u evakujavanych praviali pašpartny kantrol nie ŭ ahulnym paradku ŭ budynku aeraporta, a prosta ŭ samalocie.
Čytajcie taksama:
U Minsk prylacieŭ humanitarny rejs ź biełarusami ź siektara Haza
CACHAŁ adnaviŭ pieratrusy ŭ špitali «Aš-Šyfa»
Izrail uvajšoŭ u balnicu «Aš-Šyfa», dzie moža znachodzicca kamandny punkt bajevikoŭ CHAMAS