«Sens žyćcia našaha — bieśpierapynny ruch». Hladzicie, jak vyhladajuć chudzi i śvitšoty z cytatami biełaruskich kłasikaŭ
U prodažy zjaviłasia knižnaja kalekcyja brenda Mark Formelle. Na adzieńnie naniesieny cytaty biełaruskich kłasikaŭ — Janki Kupały, Jakuba Kołasa, Uładzimira Karatkieviča, Francyska Skaryny i Kuźmy Čornaha. Temy viečnyja: adčuvańnie svaich karanioŭ, sens žyćcia i kachańnie, piša Onliner.
U kalekcyi jość adzieńnie dla mužčyn, žančyn i dziaciej. Viadomyja cytaty raźmiaścili na futbołkach, łonhślivach, chudzi, śvitšotach i štanach. Naprykład, na futbołcy možna pračytać pačatak vierša Janki Kupały «Spadčyna», a na łonhślivie — słovy Jakuba Kołasa: «Nijakaje bahaćcie ludziej nie byvaje daražejšym za ich rodnuju movu», «Niama ŭ čałavieka ničoha pryhažej i daražej za radzimu» i «Sens žyćcia našaha — bieśpierapynny ruch». Dla chudzi vybrali cytatu Uładzimira Karatkieviča: «Usia paezija — ad kachańnia».
Novaja kalekcyja — praciah prajekta Art U Wear. Dla jaho brend vypuściŭ «kapsułu» razam z Nacyjanalnym mastackim muziejem. Tady na vopratcy akazalisia šedeŭry biełaruskaha, ruskaha i jeŭrapiejskaha žyvapisu. Naprykład, karciny «Niaroŭny šlub» i «Bitva na Niamizie».
Čytajcie taksama:
Kampanija Mark Formelle pradstaviła vobrazy dla spatkańniaŭ i aburyła padpisčykaŭ
Mark Formelle zrabiŭ rekordnuju karcinu sa škarpetak
Mark Formelle prezientavaŭ škarpetki z cytatami z «Pieśniaroŭ»
Modnaja vosień pa-biełarusku. Trendavyja rečy možna znajści navat u bresckaj «Kalincy»