Adnaho z advakataŭ Navalnaha aryštavali. Jaho abvinavacili va ŭdziele ŭ ekstremisckaj supolnaści
Basmanny rajonny sud Maskvy aryštavaŭ advakata Navalnaha Ihara Siarhunina pa abvinavačvańni va ŭdziele ŭ ekstremisckaj supolnaści, paviedamlaje «Miediazona».
Ihar Siarhunin. Fota: Alaksandr Astachaŭ / Miedyjazona
Praktyčna adrazu paśla pačatku sud zakryŭ pasiadžeńnie paśla prośby śledstva «vykanać tajamnicu piersanalnych źviestak advakata».
Zranku ŭ Siarhunina, a taksama jašče ŭ dvaich advakataŭ, jakija abaraniajuć Navalnaha — Vadzima Kobzieva i Alaksieja Lipcera — prajšli pieratrusy. Jany pakul čakajuć sudoŭ, jakija pavinny prajści siońnia.
Sam Navalny daviedaŭsia pra pieratrusy padčas sudovaha pasiadžeńnia pa jaho pazovie da kałonii, na jakim pavinien byŭ prysutničać Kobzieŭ. «Jak i za savieckim časam, pieraśledujuć nie tolki palityčnych aktyvistaŭ i pieratvarajuć ich u palityčnych źniavolenych, ale i ich advakataŭ», — prakamientavaŭ Navalny.