Dziaržbiaśpieka Litvy nazvała videa z «sapraŭdnymi patryjotami Biełarusi» infarmacyjnaj śpiecapieracyjaj varožych krain
Departamient dziaržbiaśpieki Litvy u kamientary Delfi zajaviŭ, što pieršasnaja infarmacyja dazvalaje zrabić zdahadku, što rolik – infarmacyjnaja apieracyja, aŭtarami jakoj źjaŭlajucca śpiecsłužby abo słužby biaśpieki varožych krain.
Ciapier, pavodle vydańnia, Departamient dziaržbiaśpieki Litvy sumiesna ź inšymi orhanami pravodzić rasśledavańnie ŭ suviazi z publikacyjaj videa.
Na minułym tydni «Naša Niva» źviarnuła ŭvahu na rolik u sacsietkach. Na videa troje mužčyn u šerym military z aŭtamatami, jakija havorać na litoŭskaj movie ź vialikim biełaruskim akcentam. Jany nazyvajuć siabie «sapraŭdnymi biełaruskimi patryjotami, jakija ŭžo try hady znachodziacca ŭ vyhnańni». Pad videa — subcitry na biełaruskaj movie.
U videa ŭtrymlivajecca šerah chłuślivych śćviardžeńniaŭ i abraźlivyja zajavy ŭ adras Litvy.
Na dumku «Našaj Nivy», meta hetaj pravakacyi, jak i raniejšych anałahičnych, stvaryć u litoŭcaŭ niedavier da biełarusaŭ i biełaruskaj emihracyi ŭ Litvie ŭ pryvatnaści.
Čytajcie taksama:
U sacsietkach źjaviłasia novaje videa, jakoje maje na mecie pasvaryć litoŭcaŭ i biełarusaŭ