U Varšavie prajšoŭ mižnarodny kinafiestyval pravavych filmaŭ
Byli siarod ich i dźvie biełaruskija stužki.
Z 4 pa 13 śniežnia ŭ Varšavie prachodziŭ mižnarodny kinafiestyval «Watch Docs» pryśviečany prablematycy pravoŭ čałavieka.
Za hetyja dni ŭ dvuch varšaŭskich kinateatrach było pakazana kala 80 filmaŭ, ź jakich bolš za 10 pryśviečanyja temie pravoŭ čałavieka na postsavieckaj prastory.
Byli siarod ich i dva biełaruskija filmy:
«Karaleŭstva dochłych myšej» Viktara Dašuka — film pryśviečany absurdnaści praduktaŭ režymu Alaksandra Łukašenki, taksama film «Valc» Viktara Aśluka — ab viaskovym lekary jaki dapamahaje starym.
Nie abyšłosia biez skandału.
Viadomy polski štodziońnik «Rzeczpospolita» zadaŭsia pytańniem, čamu siarod amal 80 filmaŭ fiestyvalu, niama nivodnaha pra pieraśled chryścijanaŭ u śviecie. Štohod kala 170 tysiač chryścijanaŭ zabivajuć z‑za relihii.
Pieramožcam fiestyvalu staŭ film ab emihrantach u Francyi «Les Arrivants» / «Novyja»
režysioraŭ Kładyje Bary i Patrys Šońjar, taksama śpiecyjalny pryz atrymaŭ film «Tybiet u pieśni» riežysiora Nhavanha Chiefieła.