Čarhovaja abłava na Homielščynie — HUBAZiK pakazaŭ jašče dzieviać zatrymanych
Niekatorym ź ich šyjuć kryminalnyja spravy.
Skrynšot ź niekatorymi zatrymanymi ź videa HUBAZiKa
Na videa HUBAZiKa ŭsich ludziej davoli brutalna zatrymlivajuć, niekatorych mužčyn kładuć tvaram na ziamlu, dla zatrymańnia niaŭzbrojenych ludziej siłaviki całkam ekipiravanyja. Pad abłavu trapili žychary Homiela, Žłobina i Rečycy.
Častku zatrymanych vinavaciać u padpiskach na niezaležnyja miedyja i inšyja pryznanyja «ekstremisckimi» resursy. Dvaich zatrymanych vinavaciać jašče i ŭ tym, što jany pakidali kamientary, a adna žančyna na videa kaža, što dasyłała ŭ telehram-boty infarmacyju pra pierasoŭvańnie rasijskaj vajskovaj techniki.
Adnu z zatrymanych apaznaŭ «Fłahštok» — heta viadomaja homielskaja viełaaktyvistka Śviatłana Karol.
Asoby inšych pakul nieviadomyja.
Paviedamlajecca, što suprać niekatorych zatrymanych zaviali kryminalnyja spravy.
Čytajcie taksama:
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd
Jak zaścierahčy siabie ŭ VK, Facebook i «Adnakłaśnikach» — padrabiazny hajd