Jak minimum šeść čałaviek zatrymali ŭ Brahinie, Chojnikach i Kamarynie
Siłaviki zrabili spravazdaču ab zatrymańni jak minimum šaści čałaviek u Brahinie, Chojnikach i Kamarynie na paŭdniovym uschodzie Homielskaj vobłaści. Videa z zatrymanymi apublikavaŭ adzin ź miascovych praŭładnych kanałaŭ, piša «Miedyjazona».
Fota ilustracyjnaje
Jak śćviardžajuć aŭtary kanała, usich zatrymanych abvinavačvajuć pa administracyjnym artykule ab raspaŭsiudzie «ekstremisckich» materyjałaŭ (artykuł 19.11 KaAP). Na videa zatrymanyja kažuć, što byli padpisanyja na «ekstremisckija» telehram-kanały i staronki ŭ «Adnakłaśnikach».
Za padpiski ludziej zatrymlivali supracoŭniki AMAPa sa zbrojaj i ŭ ekipiroŭcy. Niekatorych zatrymanych, miarkujučy ź videa, prymušali lehčy tvaram u padłohu, u mašynu siłavikoŭ ich vyvodzili ŭ kajdankach z rukami za śpinaj.
Čytajcie taksama:
Pravaabaroncy paviedamlajuć pra masavyja zatrymańni na Homielščynie