Nočču 4 vieraśnia sakretna pierakryvali čyhunačny ruch pad Tałačynom, była stralba ci vybuchi — Supolnaść čyhunačnikaŭ
Nočču 4 vieraśnia z 1:00 da 3:00 całkam pierakryvaŭsia čyhunačny ruch u rajonie Tałačyna. Ciahniki spyniali ŭ abodvuch napramkach na ŭčastku daŭžynioju kala 45 km ad st. Słaŭnaje da st. Kochanava. Pra heta piša «Supolnaść čyhunačnikaŭ».
Krynica: «Supolnaść čyhunačnikaŭ Biełarusi»
Pavodle niezaležnych čyhunačnikaŭ, ruch zakryli na vusnaje patrabavańnie siłavikoŭ.
U hety ž čas u rajonie Tałačyna byli čuvać ci to stralba z ahniastrelnaj zbroi, ci to vybuchi sihnalnych pietardaŭ.
Čyhunačniki nie vyklučajuć, što zdareńnie mahło być źviazana z zasakrečanym pieramiaščeńniem pa čyhuncy vajskovaha kantynhientu, techniki abo bojeprypasaŭ.
«Supolnaść čyhunačnikaŭ» źviartaje ŭvahu na toje, što spynieńnie ruchu pad Tałačynom nočču 4 vieraśnia staranna chavajecca: adznaki pra heta zdareńnie adsutničajuć va ŭnutranych dakumientach i bazach BČ, chacia jano vyklikała značnyja zatrymki ŭ ruchu pasažyrskich i hruzavych ciahnikoŭ na ŭčastku Minsk — Orša.
Čytajcie taksama:
Mašynist elektryčki Stoŭbcy — Minsk raptoŭna pamior na pracoŭnym miescy padčas ruchu ciahnika