U 109 nasielenych punktach zastajucca pieraboi z elektryčnaściu z-za niepahadzi
Pieraboi z elektryčnaściu ŭ vyniku niepahadzi pa stanie na 17:00 nazirajucca ŭ 109 nasielenych punktach Biełarusi. Pieravažna havorka idzie pra rajony ŭ Hrodzienskaj i Viciebskaj abłaściach. Na praciahu dnia elektrazabieśpiačeńnie było adnoŭlena ŭ 444 nasielenych punktach.
Fota: t.me / Minenergo_by
Navalnicy sa škvalistym vietram i liŭniami, miescami z hradam, prachodziać siońnia na bolšaj terytoryi krainy. Zadziejničana nieabchodnaja kolkaść piersanału i techniki dla praviadzieńnia adnaŭlenčych rabot u maksimalna ścisłyja terminy, infarmuje Minenierha.
Fota: t.me / Minenergo_by
«Enierhazabieśpiačalnyja arhanizacyi viaduć pastajanny manitorynh situacyi, znachodziacca va ŭzajemadziejańni ź miascovymi orhanami ŭłady, abłasnymi padraździaleńniami MNS, słužbami Biełhidramieta. Raboty pa likvidacyi nastupstvaŭ niepahadzi viaducca bieśpierapynna. Ich abciažarvaje vialikaja kolkaść pavalenych dreŭ i halin», — havorycca ŭ paviedamleńni viedamstva.
Fota: t.me / Minenergo_by
Čytajcie taksama:
Vyjšaŭ z aŭto na darohu. U Asipovickim rajonie małanka zabiła 25-hadovaha chłopca
Niepahadź pakinuła biez elektryčnaści bolš za 1100 nasielenych punktaŭ
Z-za navalnicy ŭ Minskaj vobłaści ŭźnikli prablemy z elektryčnaściu