Spravu videaapieratara Viačasłava Łazarava i jaho žonki Taćciany Pyćko pieradali ŭ abłasny sud
Sužencam staviać u vinu «spryjańnie ekstremisckaj dziejnaści».
Pieršaje pasiadžeńnie pryznačana na 5 vieraśnia 2023 hoda. Jano budzie zakrytym. Vieści spravu budzie sudździa Viciebskaha abłasnoha suda Jaŭhien Burunoŭ, piša kanał «Vitiebsk, ja hulaju!».
Taćciana Pyćko — šmatdzietnaja mama, ich ahulnaje ź Viačasłavam adnahadovaje dzicia ciapier znachodzicca ŭ jaje svajakoŭ.
Videaapieratara Viačasłava Łazarava zatrymali ŭviečary 9 lutaha.
Da Taćciany Pyćko ŭ toj ža dzień pryjšli ź pieratrusam i zabrali techniku. Na toj momant žonka z mužam užo niekalki miesiacaŭ žyli asobna.
6 červienia Taćcianu taksama zatrymali.