«Homsielmaš» teściruje supierkambajn sa štučnym intelektam
AAT «Homsielmaš» pravodzić testavyja vyprabavańni supierkambajna ź sistemaj kahnityŭnych technałohij rasijskaj vytvorčaści. Pra heta raskazaŭ hiendyrektar chołdynha Alaksandr Novikaŭ, paviedamlaje BiełTA.
Pa słovach kiraŭnika pradpryjemstva, novaja technika stvoranaja na asnovie viadomaj na rynku mašyny premium-kłasa, abstalavanaj hibrydnaj schiemaj abmałotu i sieparacyi GS2124. Vynik «razumnaha» kambajna, pavodle acenak ekśpiertaŭ, maje być na 20—25% vyšejšym, čym u zvyčajnaha.
Jak abiacaje Alaksandr Novikaŭ, novy kambajn «bačyć» praktyčna ŭsio toje ž, što i čałaviek, sihnał budzie pieradavacca na bartavy kampjutar, a mašyna sama budzie reahavać na situacyju i rabić peŭnyja karekciroŭki. Miechanizataru ž zastaniecca tolki nazirać za pracesam.
U 2023 hodzie «Homsielmaš» maje namier vypuścić zvyš 200 takich madelaŭ. Ale bieśpiłotnaje kiravańnie, pa słovach Novikava, u hetaj spravie pakul niemahčyma. Miechanizatar pa-raniejšamu pavinien budzie znachodzicca ŭ mašynie na vypadak niaštatnych situacyj, naprykład, kali technika sutykniecca ź vialikim kamniem, schavanym pad pasievami.
Čytajcie taksama:
U Čerykaŭskim rajonie ad udaru tokam zahinuŭ kambajnier
Na žnivie ŭ Lubanskim rajonie zahinuŭ 18-hadovy pamočnik kambajniera