U Minsku nie chapaje bolš za 80 dvornikaŭ

U minskich ŽEU ciapier vakantna 82 staŭki dvornikaŭ, z 2 283 pracoŭnych miescaŭ zaniata 2 201, paviedamiła ahienctva «Minsk-Naviny». 

Fota ilustracyjnaje

Pra situacyju z dvornickimi kadrami padčas pasiadžeńnia pracoŭnaj hrupy pa pytańniach dobraŭparadkavańnia i ŭtrymańnia stalicy paviedamiła hienieralnaja dyrektarka abjadnańnia «Minskaja haradskaja žyllovaja haspadarka» Maryna Toŭścik.

Bolš za ŭsio dvornickich vakansij ciapier u Pieršamajskim rajonie — 20. Za im iduć Maskoŭski rajon, dzie patrabujecca 12 rabotnikaŭ, Centralny — 11, Partyzanski — 10, Saviecki — 8, Frunzienski — 7. A voś u Kastryčnickim niezaniatych stavak usiaho 3.

U pracentnych suadnosinach niedachop kadraŭ najbolš adčuvalny ŭ tym ža Partyzanskim rajonie, dzie štat dvornikaŭ ciapier ukamplektavany na 90,3 %. A samy zapoŭnieny takimi rabotnikami rajon — Frunzienski, tam nie chapaje ŭsiaho 1,2% dvornikaŭ ad štatnaj kolkaści.

Maryna Toŭścik padkreśliła, što pierad žyllovymi arhanizacyjami staić zadača całkam zapoŭnić usie vakansii dvornikaŭ u termin da 1 vieraśnia. Pa jaje słovach, rabočym pa kompleksnaj uborcy i ŭtrymańni niekatoryja ŽEU nibyta hatovyja płacić da 1 500 rubloŭ.

Čytajcie taksama:

Minčanam naličyli 11 tysiač za ramont padjezda — žychary ŭ šoku

Vada sa stoli kapała miesiac, ale ŭ kvateru źvierchu było nie patrapić — tam nichto nie žyŭ hod. Voś jak rašyli prablemu

Padjezd u Łošycy pryznali najlepšym u Minsku. Pahladzicie, jak jon vyhladaje FOTA

Kamientary da artykuła