Samalijka prabiehła 100 mietraŭ z najhoršym vynikam u historyi Univiersijadaŭ. Videa stała virusnym
Samalijskaje Minsportu choča pravieści rasśledavańnie, kab vyśvietlić, chto dziaŭčynu dapuściŭ da mižnarodnych spabornictvaŭ.
Biahucha z Samali Nasra Abukar Ali zaniała apošniaje miesca ŭ kvalifikacyjnym zabiehu na dystancyi 100 m na Univiersijadzie ŭ kitajskim horadzie Čendu. Jana prabiehła dystancyju za 21 siekundu — heta najhoršy rezultat u historyi spabornictvaŭ.
Videa z hetym zabieham zavirusiłasia ŭ sacsietkach. Na im vidać, što ŭ 20-hadovaj samalijki adsutničajuć navyki dla paśpiachovaha vystupu ŭ hetym vidzie sportu. Karystalniki zadajucca pytańniem, jak jana mahła trapić na takija bujnyja mižnarodnyja spabornictvy.
Ministr sportu Samali zajaviŭ, što viedamstva nie mieła nijakaha dačynieńnia da vybaru Abukar dla vystupu ŭ Kitai, jaje pasłaŭ adzin z univiersitetaŭ krainy. Čynoŭnik taksama paabiacaŭ pravieści rasśledavańnie, kab vyśvietlić, jak spartsmienka trapiła na Univiersijadu.
Čytajcie taksama:
Hulec NBA źbirajecca bałatavacca ŭ Kanhres ZŠA. U Turcyi vydadzieny ordar na jaho aryšt
Futbalistka zhulała na čempijanacie śvietu ŭ chidžabie ŭpieršyniu ŭ historyi