Ukraina bolš nie budzie bajkatavać mižnarodnyja spabornictvy, kali biełarusy i rasijanie buduć na ich u niejtralnym statusie
Ministerstva moładzi i sportu Ukrainy źmianiła tekst zahada ab zabaronie ŭdzielničać ukrainskim spartsmienam u spabornictvach, dzie prysutničajuć atlety z Rasii ci Biełarusi. Adpaviedny zahad apublikavany na aficyjnym sajcie ministerstva, paviedamlaje «Suśpilnie».
Fota: Jurij Kodrun / Getty Images for European Athletics
Ciapier udzieł dla ŭkraincaŭ zabaronieny tolki ŭ spabornictvach, dzie biełarusy i rasijanie vystupajuć
«pad svaimi nacyjanalnymi ściahami, i /abo vykarystoŭvajuć nacyjanalnuju simvoliku, i/abo svaimi publičnymi dziejańniami abo zajavami vykazvajuć prynaležnaść da Rasii ci Biełarusi».
Takim čynam, udzieł ukrainskich spartoŭcaŭ u mižnarodnych spabornictvach, dzie vystupajuć biełarusy ci rasijanie ŭ niejtralnym statusie, z hetaha času dazvoleny.
Čytajcie taksama:
Vienhryja zaklikała dapuścić spartoŭcaŭ ź Biełarusi i Rasii da Alimpijady ŭ Paryžy
Viarchoŭnaja Rada Ukrainy ŭchvaliła sankcyi suprać biełaruskich spartyŭnych čynoŭnikaŭ
Ukraina moža bajkatavać čempijanat śvietu pa plažnym futbole praz udzieł u im zbornaj Biełarusi