Łukašenka palacieŭ u Rasiju
Pra toje, što Łukašenka vypraviŭsia ŭ Rasiju siońnia ŭviečary, paviedamiła jahonaja pres-słužba. Raniej paviedamlałasia, što sustreča z Pucinym adbudziecca ŭ niadzielu, 23 lipienia.
Fota: Contributor / Getty Images
Pavodle raniejšych paviedamleńniaŭ pres-słužby, u Rasii Łukašenka budzie abmiarkoŭvać «šyrokaje koła najbolš važnych i bazavych dla dvuchbakovych adnosin tem: pytańni biaśpieki, mižnarodnaha paradku dnia, ekanamičnaje ŭzajemadziejańnie, realizacyju sajuznych prahram, sumiesnaje supraćstajańnie niezakonnamu sankcyjnamu cisku i mnohaje inšaje».
Rasijski bok śćviardžaje, što «budzie praciahnuta abmierkavańnie aktualnych pytańniaŭ dalejšaha raźvićcia rasijska-biełaruskich adnosin stratehičnaha partniorstva i sajuźnictva, a taksama intehracyjnaha ŭzajemadziejańnia ŭ ramkach Sajuznaj dziaržavy».
Jak stała viadoma, pieramovy Łukašenki z Pucinym projduć u Sankt-Pieciarburhu, samalot Łukašenki pryziamliŭsia ŭ miascovym aeraporcie «Pułkava».
Čytajcie taksama:
Amierykanskaja raźviedka ličyć, što rasijskaja jadziernaja zbroja ŭžo ŭ Biełarusi — CNN
Ci źmiryŭsia Zachad z tym, što Biełaruś u łapach Rasii, i jakija vybary rychtuje Łukašenka?