U Krymie paśla ŭdaru BPŁA zdetanavaŭ skład bojeprypasaŭ, evakujujuć ludziej
U sacsietkach pišuć ab prylocie na naftabazu i aeradrom niekalkich bieśpiłotnikaŭ, a taksama ab detanacyi bojeprypasaŭ.
Skrynšot videa
Rasijskaja akupacyjnaja administracyja Kryma paviedamlaje pra ataku BPŁA ŭ Krasnahvardziejskim rajonie. Siarhiej Aksionaŭ kaža, što bieśpiłotniki «sprabavali» atakavać infrastrukturnyja abjekty, adnak bajcy ŭžo znachodziacca na miescy «dla likvidacyi mahčymych nastupstvaŭ», piša «Ukrainskaja praŭda».
Tym časam u sacsietkach pišuć ab prylocie na naftabazu i aeradrom niekalkich bieśpiłotnikaŭ, a taksama ab detanacyi bojeprypasaŭ.
Paźniej Aksionaŭ pryznaŭ, što ŭ vyniku ataki BPŁA zdetanavali bojeprypasy na składzie.
Ułady vyrašyli evakujavać nasielnictva ŭ radyusie 5 kiłamietraŭ u punkty časovaha raźmiaščeńnia.
Taksama vyrašana prypynić ruch na Krymskaj čyhuncy.