Askiepki dalacieli da darohi: na budoŭli ŭ Hrodnie abrynulisia ryštavańni
U Hrodnie na budplacoŭcy ŭ rajonie pierasiačeńnia vulicy Kabiaka i praśpiekta Janki Kupały niečakana abrynulisia budaŭničyja ryštavańni. Ruchnuli ŭniz i błoki. Adbyłosia heta 9 lipienia.
Usia hetaja masa paškodziła aharodžu placoŭki. Častka askiepkaŭ dalacieła da tratuara, prypynku hramadskaha transpartu i darohi. Na ščaście, u hety čas tam nikoha nie było, piša Newgrodno.by.
Z-za čaho zdaryŭsia incydent, pakul niajasna. Naŭrad ci možna kazać pra ŭmovy nadvorja. U toj dzień u Hrodnie viecier choć i byŭ, ale mocnym jaho nazvać składana. Mahčyma, pryčynaj staŭ čałaviečy faktar ci «stomlenaść» kanstrukcyj.
Tut uzvodziać handlovy centr. Jon budzie adnapaviarchovym. Unutry płanujuć raźmiaścić vialikuju charčovuju kramu i kaviarniu na 35 miescaŭ. Častku płoščaŭ adviaduć pad nievialikija kramki.