U Kijevie pryznali adkaznaść za dyviersiju na Krymskim moście
«273 dni, jak nanieśli pieršy ŭdar pa Krymskim moście, kab parušyć rasiejcam łahistyku», — napisała namieśnica ministra abarony Ukrainy Hanna Malar u telehram-kanale, padvodziačy vyniki 500 dzion vajny.
Krymski most abvaliŭsia paśla vybuchu na im u noč paśla 70-hodździa Uładzimira Pucina. Vybuch adbyŭsia 8 kastryčnika a 6-j hadzinie ranicy.
Ukraina aficyjna nie zajaŭlała pra svaju datyčnaść da hetaha vybuchu, adnak jaho prakamientavaŭ u svaim tvitary daradca kiraŭnika Ofisa prezidenta Ukrainy Michaił Padalak: «Krym, most, pačatak. Usie niezakonnaje pavinna być razburana, usio skradzienaje — viernuta Ukrainie, usio rasijskaje akupacyjnaje — vyhnana».