Biełarusaŭ dapuścili da Azijackich hulniaŭ, na jakich jany projduć kvalifikacyju da Alimpijady-2024. Ale jość dźvie ŭmovy
Biełaruskija i rasijskija spartsmieny vystupiać na sioletnich Azijackich hulniach u Chančžou.
Kala 500 spartsmienaŭ z Rasii i Biełarusi vystupiać na Azijackich hulniach, na jakich zmohuć prajści kvalifikacyju na Alimpijadu-2024.
Na Azijackich hulniach jany buduć vystupać u niejtralnym statusie i nie zmohuć spaborničać za miedali.
Turnir projdzie z 23 vieraśnia da 8 kastryčnika, jak paviedamlaje «Trybuna».
Praz vajnu va Ukrainie biełaruskija spartoŭcy pakul zbolšaha pazbaŭlenyja mahčymaści brać udzieł u adbory da Alimpijady-2024, što projdzie ŭ Paryžy. Naprykład, biełarusaŭ nie dapuścili da Jeŭrapiejskich hulniaŭ u Krakavie, dzie razyhryvajucca licenzii na Alimpijadu. Ciapier, zdajecca, pytańnie adboru budzie vyrašanaje.